मोनसान्टोलार्इ राेकाैँ

मोनसान्टो एउटा अमेरिकी बीउ कम्पनी हो जसले आफ्ना उन्नत भनाउँदा बीउ बेच्नका लागि षडयन्त्रपूर्वक हाम्रा परम्परागत बीउ मासिदिन्छ। त्यसपछि हाम्रो कृषि जैविक विविधता खत्तम हुन्छ र हामी सधैँका लागि बीउबिजनका लागि पराश्रित हुन पुग्छौँ। कृषकहरू बीउ रमलको खर्च उठाउन सक्दैनन् र भारतमा जसरी आत्महत्या गर्ने अवस्थासम्म पुग्छन्। कृषि गरीबहरुका हातबाट साहुहरूका हातमा पुग्छ। सरकारमा बस्नेहरूलाई स्वार्थमा फसाउनर/वा अल्मल्याउन सक्ने भ्रष्ट कर्मचारीका बुई चढाएर स्वार्थी दाताले नेपालमा छिराउन लागेको मोनसान्टोलाई रोक्न तपाईँ हामी पनि सक्छौँ - यसका बारेमा लेखेर, बोलेर रआआफ्ना जानपहिचानका राजनीतिक व्यक्तिहरूलाई लबी गरेर। मोनसान्टोलाई रोकौँ, कृषिको सार्वभौमिकता जोगाओँ।

कलियुग

एक पटक कुनै सज्जनले एक महात्मासँग सोधे -"महात्माजी, संसारमा पापी (कर्तव्यच्युत) मान्छेहरू सुखी र धर्मात्मा (कर्तव्यनिष्ठ) मान्छेहरू दु:खी देखिन्छन्, यस्तो किन भएको हो? कलियुग(खराब संगत)ले गर्दा हो कि? यस्तोमा धर्म (कर्तव्यनिष्ठता)को गौरव के रह्यो? " महात्माले भन्नुभयो "पापको र भौतिक समृद्धिको खुसी क्षणिक छ, तिनले पापको दण्ड यसै युगमा अवश्यै पाउँछन् र धार्मिकमान्छेहरू कहिल्यै दु:खी हुँदैनन्, क्षणिक भौतिक सुखमा लिप्त पापीहरूलाई सुखी देख्ने धार्मिकभनिएकाहरू पनि पापी नै हुन् । कलियुग भनेको तिनैको मानसिकतालाई हो । साँच्चैका धार्मिकहरू सँधै सुखी हुन्छन् । तिनलाई कहिल्यै कलियुगले छुँदैन ।"

ज्यान पनि पैसा पनि

आज आयुर्वेदका दुई पुराना व्यंग्य प्रस्तुत गर्छु:

१. 'वैद्यानां शारदी माता, पिता च कुसुमाकर:'

अर्थः शरद् ऋतु डाक्टरकी आमा र वसन्त ऋतु डाक्टरका पिता हुन् । ( खूब कमाई हुञ्च भन्नि अर्थ हो ।)

२. वैद्यराज नमस्तुभ्यं यमराज सहोदर!
यमस्तु हरते प्राणान्, वैद्य: प्राणान् धनानि च ।।

अर्थ: "हे डाक्टर साएप्, तपैँलाई नमस्कार छ, तपैँ यमराजका सहोदर दाजु हुनुञ्च, यमराजले त ज्यान मत्रै लिञ्चन्, तपैँले त ज्यानपनि पैसा पनि लिनुञ्च " ।।

हुने विरूवाकाे चिल्लाे पात

झरना श्रेष्ठ नाै वर्षकी भइन् । याम्दीकाे पास्कल विद्यालयमा तीन कक्षामा पढ्ने झरनाकाे घर कति राम्राे है ?
हामी पनि केटाकेटीमा यसरी नै खेल्थ्याैँ । भाेलि पर्सी ठूली भए पछि याे चित्र देखिन् भने उनले पनि अहिले हामीले सम्झे जस्तै सम्झने छिन् ।