दुर्गासप्तशती

शूलेन पाहि नो देवि पाहि खड्गेन चाम्बिके
घण्टास्वनेन नः पाहि चापज्यानिःस्वनेन च।।४-२४ (दुर्गासप्तशती)
हे देवि! हे आमा! हजुरका शूलले, खड्गले घण्टाको ध्वनिले र धनुषका टंकारले समेत हाम्रो रक्षा गर्नुहोस्!

निराशावादी

कुनै समयमा शिव संकल्पको सेतो कमिजमा नीलो मसीको दाग लाग्यो । उनले त्यो दाग हटाउन अनेक प्रयास गरे । विविध प्रकारका साबुन तथा रसायनहरू प्रयोग गर्दा पनि त्यो दाग गएन । उनले साबुन तथा रसायन निर्माता प्रति निराशा प्रकट गर्दै भने "हरे! ऐले सम्म एउटा गतिलो दागनाशक पनि बन्न सकेक‍ो छैन! "
एक दिन शिव संकल्पकी पत्नीले नौलो रसायन लिएर आइन् । त्यो रसायनले त्यो मसीको दाग एक पटकमा नै हटाइदियो। अब शिव संकल्पले खुइय्य गर्दै भने "हरे ऐलेसम्म पनि यौटा गतिल‍ो मसी बन्न सकेको छैन! "